日月堂

营业中

休息中

估唔到工业大厦都有出色嘅台湾食品。个地址呢其实系有少少难揾嘅，我都系要出咗观塘B出口跟住行咗好大段路程先至揾到。环境尚算干净整洁，餐厅内部有播放偶像S.H.E嘅歌。整体嘅感觉怀旧，好似回到青春期。我就点咗一个盐酥鸡卤肉饭，呢度菜式附送一个小菜，而饮品要加钱。盐酥鸡啱啱炸出嚟无论系味道定系热度都啱啱好。小菜系青瓜加蕃薯条淋上沙律汁，所以食落去感觉好开胃。卤肉饭味道适中唔会话太咸，整体份量非常充足。我系有少少食唔晒。我点咗一杯香芋珍珠奶茶，建议珍珠奶茶都系去返出面买嚟饮会比较好，价钱方面性价比比较高但系唔算特别好饮。由于饮品系塑胶制成所以可以拎出舖头饮。香芋味道10分浓郁，珍珠唔算弹牙，应该摆放过一段时间。爱玉比珍珠奶茶出色好多，甚至附送一个鲜柠檬俾你榨柠檬汁。整体感觉鲜甜弹牙，非常健康亦都消滞。整体消费不足$200，冇收+1，算系一个比较有特色嘅餐厅。