小蜂兒 (南豐紗廠) (已結業)

工廠區有數以百計公司，上班族人數都非常龐大，其實除左放飯時間，飯後飲品同小食都好有MARKET宜家台灣奶茶同果茶咁盛行，但呢頭除咗行去愉景之外都，工廠區內終於有果茶買啦﹗呢日經過南豐紗廠見到近門口有間茶飲店即刻俾朋友拉咗入去落單後等候期間參觀一下，雖然舖頭細細，但放咗唔少有機生果甚至新鮮水耕菜可以買走，好符合宜家健康生活潮流。揀咗杯香橙柚子蜂蜜茶，仲有兩款茶底可以選擇，揀咗隻四季春茶底，甜度適中有唔少果肉，味道非常清新，相信嚟緊夏天應該日日都想買返杯透心涼一下。