神木日本料理

觀塘有間位於工廈入面嘅日本菜餐廳，食得出有誠意有心機，價錢唔貴，性價比高。

蟹籽沙律
蟹柳同蟹籽份量多，唔會好dry。

蟹籽沙律

夜繽紛
星期一至四嘅優惠刺身串卷拼盤。有三文魚、油甘魚同甜蝦，好新鮮。大蔥燒過甜味好出，燒雞胸軟骨好香脆。

夜繽紛

牛肉他他
牛肉鮮嫩腍甜，撈蛋黃汁令牛肉更加滑，蒜蓉、洋蔥同蔥花令成個牛肉他他更香口。

牛肉他他

蒜蓉燒生蠔
燒生蠔口感滑溜，蒜蓉帶出生蠔嘅鮮甜多汁。

蒜蓉燒生蠔

鍋燒烏冬
熱辣辣好暖胃，炸蝦天婦羅夠飽滿。流心蛋增加香味。

鍋燒烏冬

青龍炸蝦卷
海量嘅蟹籽同海苔真係好正。炙燒芝士嘅焦香同炸蝦相映成趣，點埋酸酸甜甜嘅沙律醬真係唔錯。

青龍炸蝦卷