活水和風食堂

营业中

休息中

一到跨區工作就係搵好野食😋既時侯，哩一間日式🇯🇵餐廳一直係我清單入面，今日終於有機會俾我試下。由於時間尚早未夠一點🕐，可以順利入座，遲幾步就要預啲時間排隊。吉烈極上鹿兒島黑毛豬 $128 另加流心蛋一隻 $7等待上台期間，侍應姐姐已經準備定芝麻同醬汁，仲好細心教我點樣磨。等左一陣，主角終於上台，大大塊豬扒🥩夠哂熱辣辣，個炸衣非常薄，而且緊貼住豬扒，唔會甩皮甩骨，又做到香脆可口。🐷豬扒應該用左梅頭位置，肉質比較結實，但又唔會實到鞋口，其中一邊痴住多啲肥肉，比較軟同香口。至於隻流心蛋，我覺得應該叫溏心蛋🥚比較合適，雖然似醃左唔耐，但蛋黃都有略帶醬油既咸甜味。豬扒配上粒粒分明既珍珠米🍚同蛋黃，簡直令人食指大動。另外除左豬扒，仲附埋前菜﹑椰菜﹑沙律🥗同麵豉湯，解膩之餘仲夠哂飽。餐廳既員工全部都好有善，午飯繁忙時間，老闆都向客人解釋耐心等候。而且食物水準都唔錯，難怪吸引左附近咁多打工仔黎支持💪🏻。