Go Inside Kitchen (已結業)

平日一讲食西餐，个脑只谂到肉类，好少会同海鲜挂钩。其实西餐一样有海鲜食，当然同我哋中式蒸煮同汆熟有唔同。人各有喜好，我就比较钟意西式嘅煮法，起码无咁单调，多啲变化！早排生日，女友知我钟意食虾，就带左我黎呢间餐厅食。餐厅主打系西餐，不过唔系净得食肉，都有唔少海鲜菜式女友话有味加勒比海飞鱼籽海鲜球我一定钟意食。初初上枱时睇落以为只系肉丸黎，一咬先知系鱼肉同虾肉嘅混合体口感比中式炸虾球有过之而无不及，配埋个有好浓蕃茄味又酸酸甜甜酱汁，味道认真一流，真系一试难忘。主打我梗系要食好啲，我叫打左碟波士顿龙虾天使面，更加无令我失望。只龙虾足有五六吋长，开边配上芝士焗出黎非常香口老远已闻到香味，食落口更龙虾味十足，绝对唔似外边啲冷藏货无黎味道虾身又够晒肉地，连天使面都用龙虾汁煮过，碟面已经值九十分，配上美味嘅龙虾，直头满分享受！ 最尾食埋甜品先走！