新蒸武門 (已結業)

观塘工厦餐厅真系多到食唔晒，呢间系骆驼漆既餐厅，食啲行健康路线既小菜，无味精，清淡啲，好似食家常便饭咁。呢度背景细细声播住啲流行曲，夜晚唔会好嘈吵，倾计一流，好有家的感觉。呢度有晚市套餐，又可以散叫。我地就决定叫二人套餐（$420），要加一但无茶芥。二人餐包汤、饭、海鲜肉类蔬菜各一款。<茶树菇红枣杞子老鸭>呢个汤调味刚好，几突出汤料本身既味道，感觉好滋补。而且炖盅好补暖，我地食足成餐饭都仲好暖。<八宝茶>好足料，目测有菊花、红枣、甘草、桂圆干、枸杞等，又系滋补恩物。无好似出面咁落冰糖，所以饮到原味，味道略酸带甜，感觉健康。<翠肉瓜云耳炒百合>翠肉瓜好爽脆，比例亦比云耳同百合多好多。蒜蓉炒既，味道较清淡，所以我地就食左呢个先。<菠萝咕噜肉>呢个酸甜开胃，而且好大碟！咬落个炸皮软腍唔会过龙，个甜酸酱又唔会过酸或过甜。系好正宗既港式咕噜肉！<豉汁龙趸球蒸豆腐>有六件豆腐，每件上面都一块软软既龙趸同豆豉，龙趸无骨，仲好多胶质，豆腐底下仲有粉丝，用上少少豉油。系几适合捞饭既一味。呢度有加一，埋单人均$231，好饱啊。