閨蜜轉新工去咗鰂魚涌，
終於可以同佢見面嘞，
佢帶我去一間充滿海邊風情嘅餐廳，
叫咗Pizza 、沙律、蝦多士、咖央多士、 娘惹小吃及飲品 。
大家都鍾意食牛油果，
沙律就揀呢款啦。
除咗主角咖哩雞胸同牛油果之外，
新鮮材料仲有車厘茄、紫洋蔥、兩種生菜、青瓜+醃蘿蔔，
加上酸酸哋嘅醬汁，開胃又健康。
咖哩雞胸帶微微嘅椰香，
肉質軟嫩，很不錯喔。
香噴噴薄餅上面鋪滿餡料，
餡料有海鮮：蝦仁、魷魚、蜆肉，
仲有大樹菠蘿絲、青椒絲。
芝士可以拉絲架，
鬆軟帶脆嘅餅底加上微辣嘅茄醬，
一啖咬落去連餡料一齊食，
夾雜住淡淡大樹菠蘿嘅甜味，正！
香脆多士班夾住斑蘭咖央同鮮牛油，
嘩，好食過菠蘿油呀，我鍾意。
可惜今次食唔到榴槤蛋糕.....
一口蝦多士又係香口小食，
蝦味比馬拉盞更出。
是日娘惹糕點質感比泰式結身一些，
淡淡斑蘭香夾有椰香，
點埋椰漿更香甜。
凍檳城焦糖咖啡很香，
要求少冰少甜 ，甜度剛好，
好啱飲喎，下次都要飲佢。
閨蜜嘅雜果賓治 (少冰)
見佢有新鮮提子、蘋果...
店內播放輕鬆音樂，
配上店內嘅裝潢，
仿若置身坐响海邊，
一邊嘆美食，一邊傾謁，
悠悠閒，一樂也。
1
