夢の丼 (已結業)

今日坐屯馬線去土瓜灣，方便左好多，順路食晚飯，朋友鍾情日本菜，揀咗夢之丼。 內部裝飾有日本feel，簡潔寬敞，座位舒適，可以chill 吓，傾偈好享受。先嚟一份蟹皇醬燒蟹膏豆腐，玻璃碟盛載，賣相好靚，豆腐入口即溶，濃香又幼滑嘅蟹膏鲜味，餘香充滿口腔，令人回味。跟住有左口魚邊壽司，細細件，一啖放入口，甘香滿盈。主角“夢之丼”出場喇，材料好多，數吓有三文魚蓉、海膽、牡丹蝦、三文魚子、帆立貝、左口魚邊及松葉蟹，採用日本七星米，赤醋烹調，配搭豐富，非常入味。職員仲配上一杯橙酒，話飲完再食會更鮮味另外，Like 社交平台餐廳免費送三文魚刺身2切，新鲜三文魚，鮮甜美味，發燒友不容錯過，「優惠不定時更新」，值得捧場。午市嚟價錢比較優惠喜歡食日本菜嘅朋友，不妨一試。