新恆福 (已結業)

朋友仔最近发现咗喺屯门有一间比陈鹏鹏鹅肉更好食嘅卤水鹅；所以佢决定带我去试一试。原来铺头竟然系杨小坑村附近；杨小坑村系我细个住嘅地方，我都唔发觉𠮶度有一间餐厅专食鹅肉，应该都系新开㗎啦。我哋点做一个小炒皇，招牌卤水鹅同冰镇卤水掌翼。冷盘冰镇卤水掌翼够入味送酒一流，但很可惜身体不适冇得饮。招牌卤水鹅够肥，肉嫩，好好食；真系好食过陈鹏鹏𠮶啲，另外我觉得佢嘅价钱都比陈鹏鹏更加平，cp值超高。之后，同店员姐姐吹开水，原来佢哋系用新鲜鹅，仲唔会摆过夜添！小炒王诚意十足，我喺出面食𠮶啲小炒皇都冇咁足料！佢又有鱿鱼、虾干、白饭鱼干、腰果超多料肉燥饭都好好味！！店员姐姐送既自家制啫喱，姐姐话仲有咖啡口味添！估唔到粒粒都超大粒！环境唔错呀！户外得嚟又有冷气，睇电视萤幕又够大！ 好适合同屋企人或一大班朋友嚟食嘢！ 我见隔离枱都点咗好多海鲜，应该依到既海鲜都好食。