影片
更多
2021-12-01
418 浏览
云川烧喺屯门有几间分店，食开红桥个间，方便泊车又性~一到繁忙时间都系要排队，但呢间店都大间，等都系大约15分钟左右就入得。🍲中酸辣薯粉(墨鱼咀,韭菜云吞) $51★★★★☆酸辣汤底好浓郁，但个人认为叫小酸辣唔太够味，起码要叫中酸，而且唔会太辣。食落汤底会有小小肉碎、酸菜，加埋个薯粉食，正！薯粉系幼身扭扭个款，唔会太淋一夹就断，Keep住QQ烟韧，我觉得比米线更好食。墨鱼咀出奇地有惊喜，份量几多同算大粒多肉，食落爽脆，有咬口。韭菜云吞就正常，冇咩特别，多韭菜肉比例少左Ｄ。🍲中麻辣薯粉(猪颈肉、猪大肠) $51★★★☆☆麻辣汤底表现唔稳定，有时好浓郁、有时唔太够味，今次食就一般般，冇以前食咁正，食落个麻辣味唔出，正番个咸味，少少失望。而讲起云川𩠌菜，莫过于猪颈肉同猪扒。个人偏好猪颈肉，差唔多每次食都必点，猪颈肉同出面一片片唔同，切成一条条，唔会太干身有肥有瘦，似系炸过，放埋落个汤底，索埋D汁食好滋味，但唔好期望佢系脆口浓边个D。猪大肠就有D失望，炆得太过淋冇哂应有嘅口感，但洗得干净唔会有阵味。🍲微酸辣米线(猪润、萝卜、猪颈肉) $61★★★★☆酸辣汤底依旧好味，米线有咬口弹牙，但个人较偏好
云川烧喺屯门有几间分店，食开红桥个间，方便泊车又性~一到繁忙时间都系要排队，但呢间店都大间，等都系大约15分钟左右就入得。
🍲中酸辣薯粉(墨鱼咀,韭菜云吞) $51★★★★☆
酸辣汤底好浓郁，但个人认为叫小酸辣唔太够味，起码要叫中酸，而且唔会太辣。食落汤底会有小小肉碎、酸菜，加埋个薯粉食，正！薯粉系幼身扭扭个款，唔会太淋一夹就断，Keep住QQ烟韧，我觉得比米线更好食。墨鱼咀出奇地有惊喜，份量几多同算大粒多肉，食落爽脆，有咬口。韭菜云吞就正常，冇咩特别，多韭菜肉比例少左Ｄ。
🍲中麻辣薯粉(猪颈肉、猪大肠) $51★★★☆☆
麻辣汤底表现唔稳定，有时好浓郁、有时唔太够味，今次食就一般般，冇以前食咁正，食落个麻辣味唔出，正番个咸味，少少失望。而讲起云川𩠌菜，莫过于猪颈肉同猪扒。个人偏好猪颈肉，差唔多每次食都必点，猪颈肉同出面一片片唔同，切成一条条，唔会太干身有肥有瘦，似系炸过，放埋落个汤底，索埋D汁食好滋味，但唔好期望佢系脆口浓边个D。猪大肠就有D失望，炆得太过淋冇哂应有嘅口感，但洗得干净唔会有阵味。
🍲微酸辣米线(猪润、萝卜、猪颈肉) $61★★★★☆
酸辣汤底依旧好味，米线有咬口弹牙，但个人较偏好薯粉。猪颈肉一如既往好味道，萝卜就炆到好淋好清甜，冇渣同埋份量多。猪润一般，偏薄身同埋有少少鞋口，应该煮得太熟。
🍲鱼汤米线(猪颈肉、墨鱼咀) $51★★★★☆
𩠌上面讲左就唔多讲，讲番个鱼汤，汤底系呈奶白色，入口有淡淡鱼味，唔算好浓郁但配米线食都足够，咸度正常，饮落顺口，饮左大半碗汤之后都冇话劲口渴，绝对啱唔食得辣同埋清淡少少嘅人。
家乡手撕鸡
$38
14 浏览
0 赞好
0 留言
★★★★☆
份量足，手撕鸡系一撕撕嘅，本身已经有用麻辣酱、芝麻拌左，调好哂Ｄ椒麻味，就算唔点个麻酱都好惹味。如果点埋个麻酱就系另一个风味，个辣味会明显少左，多左D酸，都几特别。
脆皮炸大肠
$32
17 浏览
0 赞好
0 留言
★★★★☆
小食黎讲炸大肠几出色，$32蚊但份量好足，两个人SHARE啱啱好。首先佢叫完即炸，所以有时要等耐小小，但每次食都系热辣辣好脆口，外脆内软，大肠入面带d脂肪，有d咬口，越咬越香，配埋个泰式酸辣酱就更惹味。
🌟总括：各款汤底都唔错，有辣有唔辣，大碗之余D𩠌又唔少，算系经济实惠！大推酸辣汤底，要叫中酸辣，惹味得黎又好食，另外推介脆皮炸大肠！每次出开黎屯门都会心思思想食呢间米线店，每隔一排就要ENCORE食，大家出开黎都可以试下。
张贴
