完美煮意 (已結業)

今係黎到屋村食台灣風味既下午茶，舖頭細細，放左一d淘寶都可以揾到既擺設，睇得出係小本經營。試左「珍寶肉燥飯」，入面有3粒酥炸雞粒、一粒炸貢丸、一粒炸魚旦、一條炸春卷、一塊蝦餅、一塊魚餅、仲有隻滷水蛋。個雞粒唔算太厚粉，不過個人認為太細粒。粒炸貢丸好出色，但粒魚蛋就冇乜特別。塊蝦餅好食，魚餅就太鹹太辣。滷水蛋完全冇味。「肉鬆厚吐司」，塊多士一啲都唔厚，完全唔明點解叫厚吐司。就咁加咗啲肉鬆係上面，一啲醬都冇，好在塊吐司係脆嘅，如果唔係真係唔會食。「凍蜂蜜綠茶」，成杯綠茶同道地蜂蜜綠茶冇分別，不過加咗冰，起碼係好味嘅。「熱抺茶牛奶」，依杯野有啲嚇人，個牛奶似係用奶粉開嘅，上面淨係加咗少少綠茶粉俾你攪勻佢飲。我一定唔會再叫。如果你對食嘢冇乜要求，呢一間鋪頭都算坐得舒服嘅。我試過食其他野，好味好多，下次有機會再影俾大家睇。