浜松水產 (已結業)

朋友好鐘意食刺身飲清酒，好鐘意搵啲好有日本居酒屋feel 既地方，食下刺身、串燒，飲下清酒，談天說地一個晚上。今日朋友就帶左我黎呢間喺始創斜對面既-浜松水產- chill 一chill。餐廳燈光柔和，好舒服。朋友咁識食，食咩就由佢發板。松。 象拔蚌盛盒 有七款刺身，象拔蚌、三文魚、赤蝦、帆立貝、油甘魚腩、日本真鯛同海膽。刺身厚身，肥美，最鍾意象拔蚌，爽口鮮甜❤️。龍蝦刺身 x 湯兩食好少食龍蝦，龍蝦一上枱佢仲喐緊㗎，新鮮架勢。龍蝦肉質飽滿細嫩，口感爽口彈牙，龍蝦味濃。食完刺身，就將龍蝦頭去整個龍蝦麵豉湯， 個湯明顯比平時嘅麵豉湯鮮甜好多。青花瓷生蠔同朋友一人一隻，生蠔大都成隻手掌咁，海水味十足，唔講得笑。【清酒】梵今晚開左呢支清酒飲，易入囗，少飲酒既我都覺得唔錯。飲酒梗係要叫啲野食送酒，鵝肝多士，啱哂送酒，鵝肝勁肥美。另多仲叫左HARAMI , 係牛嘅腹身，好罕有，每隻牛得一條，肉味香濃，肉質軟腍。一碟份量都好多架。真係多謝朋友帶我黎食好野。