彩虹小食串燒專門店

兩公婆夜晚宵夜，入咗大埔，搵咗呢間串燒店。 見到新鮮嘅海鮮在店外，於是馬上問店員有咩嘢係出名好食，經過佢哋推介，我哋叫咗：

椒鹽鮑魚， 極力推介，鮑魚算係大隻， 十分好味，但價錢略為偏貴，不過今次既然嚟到，點都要試下

再嚟嘅係雞軟骨同埋大花甲，味道出色，花甲新鮮，即叫即燒。

當然唔少得我最鍾意食嘅安格斯牛仔粒，雞翼同埋牛脷，yummy yummy

為咗唔想食得太乾， 我哋叫咗個蟹粥，份量剛好給我兩公婆，但重點係價錢便宜，讚！

最後大推嘅係燒鰻魚！鰻魚即叫即燒，十分肥美，加上日式醬汁，食落跟尖沙咀嘅居酒屋沒有分別。

坦白講， 價錢並不吸引，但係味道相當好，海鮮款式都幾多，值得我哋再去幫襯！