牛爸

今日去咗K11 Musea地庫「牛爸」鋸扒。呢到專賣鐵板牛扒，有T骨扒、肉眼扒同埋西冷扒等等嘅選擇，雖然坐落喺高級商場裏面，但價錢親民。

🌟鐵板肉眼
一上桌就聽到「滋滋聲」，鐵板熱辣辣，視聽嗅覺全部滿足！肉眼牛扒肉質軟嫩，黑椒汁香濃微辣，淋上牛扒同薯條度簡直絕配！粗身薯條炸得外脆內軟，蘸滿黑椒汁之後更加惹味，邪惡度爆燈！伴碟有三色豆同西蘭花，平衡返罪惡感（笑）～

➕$18羅宋湯加配！羅宋湯酸酸地幾開胃，有滿滿蔬菜同牛肉香～

簡簡單單又一餐，如果去開海旁又想搵啲親民選擇的話，K11 Musea呢個food playground會係一個好選擇。