Pound & Roll (已結業)

餐厅位置几方便，一出K11地铁站出口，就到Pound & Roll 。总结就系味道偏向清淡，唔适合重口味人士，不过佢嘅摆盘同服务都帮佢攞返唔少分数。同朋友叫咗个二人餐，主菜有安格斯黑毛牛西冷扒同蕃茄蟹肉扁意粉。🍝 蕃茄鲜虾扁意粉： 8/ 10蕃茄鲜虾扁意粉味道OK，不过意粉有啲散，用叉一夹就散晒。如果用多啲唔同香草，味道层次应该会丰富啲。🥩 安格斯黑毛牛西冷扒：？？我自己唔食牛，但肉眼睇西冷扒比较干身，欠缺色泽。但系配菜都有几多种：椰菜花、南瓜、车厘茄，颜色吸引。🥣 餐汤、沙律同甜品整体水准比较一般。甘笋汤一般都会打成茸，有啲似南瓜汤嘅处理方法，但餐厅似乎净系加太多水落甘笋汤，饮落去就比较清同稀。甜品系雪糕新地配生果，雪糕尚可，我食到嘅奇异果同士多啤梨都系偏酸好似未够熟咁。最后埋单五百几蚊，价钱尚算合理。建议大家散叫。