燒肉801 (裝修中)

係the one對面、紅噹噹嘅日式燒肉舖，今晚路過終於食到～肉類選擇好多，小食配菜都好足，感覺仲多過牛角，而且價錢算係好親民～志盛2人前（$498)配米飯set($25) & 冷麵set($38)選擇困難症嘅我地，想食靚肉又懶得仲樣揀，就揀左呢個set～呢個set有油脂分佈勁靚嘅黑毛和牛小排、黑毛和牛上肩肉、鹽燒牛舌等六款肉～每款都有四塊以上，兩個人食絕對夠飽～質素亦都非常高，closeup啲肉都係咁靚仔～個人都推薦加個冷麵set，冷麵質感好彈牙，可解膩～牛小腸 $58岩岩去完福岡心心念念佢個牛腸鍋，難得呢度有得叫牛腸，即刻回味下先～牛腸又肥又香，完全係牛腸鍋個味，大滿足啊～