翔壽司 (已結業)

抗疫期間，相信大家少左出街食飯，就算出街食飯記得要好好做足保護措施同勤清潔，大家保重。呢排都係係屋企煮飯，突然一日好想食壽司，放工就去左食壽司滿足下。今次揀自選壽司，想食咩就叫咩，而且可選既壽司種類都好多。蔥吞拿魚腩軍艦。自己本身好鍾意食吞拿魚蓉，甜美新鮮，入口即化既口感好正。火炙左口魚邊壽司。另一推介，軟腍口感又有濃濃魚味。火炙三文魚壽司。唔係腩位都好肥美，好甘甜。腐皮壽司。唔係度度有得食，好食既腐皮壽司甜度要控制得好好，呢個腐皮既甜度剛好，會令人想不停食。呢度有omakase，想食靚野可以試試，如果想食指定款壽司就食自選，全部都高質，任君選擇。餐廳位置易去，位於尖沙咀價位唔算太貴，推介。