墨西哥辣椒芝士牛肉漢堡（$98）夠辣夠刺激嘅jalapeño配上煎得好香嘅半熟牛肉，芝士、蕃茄同生菜平衡返辣味同油膩感，係完美嘅配搭！
菠蘿鱈魚柳漢堡（$100）每邊都有一大件超脆魚柳，魚肉好滑加上沙律醬同焦香菠蘿，好鐘意呢種清新嘅漢堡包！另外，呢度嘅burger都會幫客人切好一半，方便客人食，亦方便同朋友分享！
牛油果醬芝士薯條（$68）個人強烈推薦，滿滿嘅牛油果醬同蕃茄鋪係香脆芝士薯條上面，醬料口感好滑，記得趁熱食！
自家製蜜桃冰茶（$38）香甜又解渴嘅冰茶，仲飲到有少少果肉，又唔會太甜，飲得出茶香，一人飲兩杯都得！如果鍾意飲啤酒嘅話，呢度仲有happy hour $39就有一大杯啤酒🍻，好抵玩！
