基地貳 (已結業)

早排碌IG发现咗呢间星夜酒吧，呢晚就约咗朋友仔一齐去试，上层有个180°巨型屏幕可以睇到星空景致，座位阔落坐得好舒服，静静地吹一晚水都OK，而且野食味道都唔错🥰❀软壳蟹柚子沙律❀软壳蟹炸到好酥脆，食到入面有蟹膏，配上酸酸甜甜带点微辣嘅柚子沙律，惹味得黎又够哂开胃。❀生虾刺身❀每次食泰国野都要点😝海虾冰镇后，肉质紧致又有弹性，味道鲜甜兼有口感。❀冬阴功卡邦尼意粉❀估唔到冬阴功酱汁同卡邦尼意粉几夹，意粉好有咬口又挂汁，冬阴功汁酸酸辣辣咁，捞埋蛋汁食好香口，虎虾大大只又弹牙，唔错！❀芒果斑兰糯米饭❀芒果糯米饭几靓，食落甜甜地，加咗斑兰落去，同椰奶香味配合得相得益彰，重点食完都唔会好腻。