影片
更多
2018-08-14
891 浏览
今天去尖沙咀shopping ，奶奶是一定要食中菜之人，四大一小真係在尖沙咀好難找到又平又好食仲會送得幾好的地方食飯，多數是酒樓，一些地道特色也沒有，點知經過K11外面竟然比我發現佢，原以為茶餐廳，門外見到有小菜吃，膽粗粗入去試試！這裡出名食雞，個名叫聚香雞，我只係叫咗半隻，好後悔，應該要叫一隻，因為真係好好味，好難得可以食到這個質素的雞了，我食落以為係走地雞，鮮味好突出，而且煮得啱啱熟，肉質好嫩滑，其實唔使點醬油已經好好食！我想介紹一下這個口水醬，食落去奇怪得來好好食，因為佢有酸味辣味麻辣味同海鮮味，混合一起我覺得係一個好特別嘅醬唔知點形容，而且呢個汁裏面又有蝦米同瑤柱，用來點雞更加野味我哋又叫咗咕嚕肉，剛剛煮好嘅時候咬落去個皮仲要有少少脆，值得一讚的是他們用的是新鮮菠蘿做的。這個豉油王蝦$138 ，都有10隻到啦，個蝦皮整得好入味，豉油王把整個蝦的味道提升起來，我差啲連皮都想食埋！呢個福建炒飯材料十足，有高檔酒樓的水準！ 這個茄子斑腩煲真係好有鑊氣，上枱時我都發出吱吱聲!椒鹽鮮魷其中一個邪惡之選，好有大排檔嘅水準，個炸皮做得好薄！其實仲有好多其他小菜嘅選擇，只需每人大約$130就已
這裡出名食雞，個名叫聚香雞，我只係叫咗半隻，好後悔，應該要叫一隻，因為真係好好味，好難得可以食到這個質素的雞了，我食落以為係走地雞，鮮味好突出，而且煮得啱啱熟，肉質好嫩滑，其實唔使點醬油已經好好食！
我想介紹一下這個口水醬，食落去奇怪得來好好食，因為佢有酸味辣味麻辣味同海鮮味，混合一起我覺得係一個好特別嘅醬唔知點形容，而且呢個汁裏面又有蝦米同瑤柱，用來點雞更加野味
我哋又叫咗咕嚕肉，剛剛煮好嘅時候咬落去個皮仲要有少少脆，值得一讚的是他們用的是新鮮菠蘿做的。
這個豉油王蝦$138 ，都有10隻到啦，個蝦皮整得好入味，豉油王把整個蝦的味道提升起來，我差啲連皮都想食埋！
呢個福建炒飯材料十足，有高檔酒樓的水準！
這個茄子斑腩煲真係好有鑊氣，上枱時我都發出吱吱聲!
椒鹽鮮魷其中一個邪惡之選，好有大排檔嘅水準，個炸皮做得好薄！
其實仲有好多其他小菜嘅選擇，只需每人大約$130就已經食到飽飽了，有機會大家去試吓啦！
张贴
