滾得棧

营业中

休息中

今日放工同同事去尖沙咀打邊爐，竟然發現到一間好好食嘅火鍋店！✨海底椰濃豬骨湯底拼沙嗲湯 海底椰濃豬骨湯用新鮮嘅海底椰同埋豬骨慢煮而成，再加上粟米、紅蘿蔔同雪耳等，湯底味道濃郁另帶天然甜味，飲落去好舒服。沙嗲湯底微辣，花生味香濃，濃香而不鹹。✨招牌手切牛頸脊 新鮮牛頸脊肉質鮮嫩，牛肉味道濃郁，唔需要加太多調味已經好好食，入口有種刺身級嘅嫩滑。✨西班牙黑豚肉肉片粉嫩冇雪味，油脂分布平均，淥熟依然保持柔軟。✨鮮冬菇釀蝦滑 菇界心機代表，原隻冬菇去蒂釀入蝦滑，蝦滑嘅口感彈牙，仲有好多蝦籽，冬菇香味令整個味道更加豐富。✨梅菜豬肉餃 特別嘅配搭，梅菜微微甜味，豬肉肥瘦比例啱啱好。✨墨膠釀油條 油條脆卜卜，當餐前小食又得，放落沙嗲湯都好滋味。