第一Round係蒸氣海鮮定食，個賣相已經贏晒！個蒸鍋疊到成座山咁高，睇見都開心。最正係佢嘅時令海鮮盤，大大隻鮑魚上枱仲識郁，蒸熟之後肉質鮮甜到不得了，咬落去彈牙到呢！大蝦同樣出色，蝦膏爆滿，淨係食呢兩樣已經覺得回本。仲有蜆、青口、鱔片等等，全部蒸到啱啱好，時間控制得超準，服務員會幫你set好計時器，唔使驚蒸過龍。啲精華仲要滴晒落下面個鍋底度，為之後嘅火鍋做好準備。
食完個海鮮定食，個肚已經有七成飽，但係火鍋放題點可以錯過？即刻轉場！火鍋配料選擇多到眼花撩亂，肥牛、豚肉質素唔錯，絕對唔係求其貨色。丸類、餃子、蔬菜款式齊全。最正係用返蒸海鮮嘅精華做湯底，唔使點豉油已經夠晒鮮味。今餐真係由頭鮮到尾，飽到上心口！
1
