藍象泰國餐廳 (已結業)

聖誕節假期出去尖沙咀海港城行街，行到攰攰地，搵個地方食下午茶，見到港威中心嗰度嘅藍象泰國餐廳唔使等位，又有二人tea set，所以就二話不說入去坐下嘆下午茶。呢個二人tea set $168，有嘢食有嘢飲，有九款小食，蝦餅、春捲、榴槤撻、班蘭撻、辣朱古力等等不同美食，每款size 細細哋，一兩啖食曬剛剛好。每款小食各有特色，其中榴槤撻同班蘭撻最好味，我本身唔食榴槤但係都覺得佢好味。以飲品我哋就加錢點咗一杯類似芒果糯米嘅甜品沙冰，幾有特色。而成個tea set上枱係由一個雀籠嘅形狀盤盛載，非常別緻。