茶墨 (已結業)

茶墨上星期經過尖沙咀The One行咗一陣街，行到4樓見到茶飲店個名幾特別叫「茶墨」，咁啱果日天氣幾熱下，比咗杯勁似水墨畫嘅茶飲吸引住，於是就叫咗幾樣野坐低咗試下！呢間茶飲店算幾多座位比人坐，有高枱同低枱比人揀，我就揀咗過高枱，因為太低嘅枱唔啱我坐，高枱反而輪椅可以升高坐，又唔會頂到膝蓋，幾好！1.麻糬芝麻烏龍鮮奶茶$42（少甜、少冰同少Cream）（10/10）呢杯茶飲真係勁似水墨畫，入面芝麻味非常香濃，估唔到同烏龍茶奶茶勁夾，又唔甜，麻糬勁Q彈煙靭，勁好飲！2.黑糖珍珠芒果鮮奶$42（多Cream）（9/10）呢杯黑糖珍珠芒果鮮奶一飲就飲到黑糖味，之後就飲到芒果味，芒果有少少酸，珍珠唔會硬心好煙靭，唔錯！3.低脂意式雪糕（黑朱古力味）$32（10/10）呢杯意式雪糕係低脂，食完唔怕會肥，我揀咗黑朱古力味，黑朱古力味有少少苦，講到朱古力我就好鍾意食好苦，最好越苦就越正！4.蒙布朗栗子蛋糕$36（9/10）呢個栗子蛋糕面層除咗有粒栗子之後，成個外層都有栗子蓉，入面個Cream唔甜，反而栗子蓉甜咗少少，整體都ok！5.岩燒蜂蜜蛋糕（抹茶味）$48（9/10）一開始店員會問我想就咁食定叮熱