啤啤Bear韓國包車 (已結業)

最近發現呢間尖沙咀樓上韓式餐廳，淨係環境已經好吸精，嘢食都相當有水準！呢間位於諾士佛臺嘅韓式餐廳，裝潢摩登又時尚，處處都散發著韓國的氛圍，好似去咗轉韓國旅行。一走入去就聽到流行k-pop，大螢幕上仲播著可愛的熊啤啤跳舞，超得意！仲有大型熊啤啤公仔，非常適合嚟打卡。嘢食方面一樣唔輸蝕，應有盡有，真係唔識揀！佢哋menu包括了韓式炸雞、芝士鐵板、各種小食仲有酒精飲品，簡直是韓國美食天堂。我同朋友點咗幾道招牌菜，首先係”大發！芝士鐵板泡菜炒五花肉“。色香味俱全唔洗講啦，鐵板上嘅泡菜同炒五花肉混合得恰到好處，仲有層層熔化嘅芝士，極邪惡！另外一道我們點嘅係”蕃茄韓式辣海鮮湯配中華麵“，個湯辣度啱啱好，湯入面嘅海鮮鮮嫩多汁，加上蕃茄嘅酸甜，絕配。而且中華麵增加咗口感嘅層次感。最後，我們仲點咗”韓式炸餃子“作為小食。餃子外皮炸得酥脆金黃，味道非常地道。每一啖咬落去，都能感受到餡料嘅鮮美同外皮嘅脆口，絕對係飲酒嘅絕佳選擇！