雲南啊老表黑山羊湯鍋米綫 (已結業)

早幾日去尖沙咀買聖誕禮物準備開 party 交換用 🎁🎁🎁 行到去加連威老道同漆咸道南附近，見到呢間米線嘅門面幾有風味 😄😄😄 跟住望一望個餐牌發現原來同平時食開嘅米線有少少唔同，所以充滿好奇心嘅我就去試吓啦 😂😂😂入到店內咁我就叫咗個羊肉米線啦，咁我見佢餐牌有分大同埋細 size，咁我望一望附近嘅人碗米線再問姐姐佢哋碗米線係乜嘢size，點知原來個個都叫細 size，但係已經勁大碗 😆😆😆 所以最後決定叫細嘅 🤣🤣🤣碗米線嚟到好香，羊肉味濃但唔 so，雖然唔算好多肉，但勝在質素好，碗麵本身有啲豬油渣，又香又脆幾得意，最尾為食嘅我加叫多碟白肉做小食，簡簡單單又一餐 🤤🤤🤤