樓下火鍋飯店

呢間尖沙咀打邊爐新分店，真係物超所值！餐廳走港式懷舊風，仲播我哋啲老餅歌，氣氛一流～
食物方面，石橄欖椰子湯配去骨250日大騸雞，湯底清甜滋補，石橄欖同椰子好夾，去骨大騸雞，雞肉成隻碟咁大份，煮完料仲可以飲晒湯，好滿足。
生醃三文魚都幾新鮮～三文魚切得夠晒厚，醃完微酸微辣，入口順滑。
大紅袍牛肉三拼盤好有份量，包括牛肩、牛胸同牛肋，牛肉油花均勻，淥完入口嫩滑，牛味濃郁，特別係牛肋，Juicy又唔柴，超正。
招牌三拼餃 - 黑松露蟹肉餃松露勁大陣味 - 雙籽鮮蝦雲吞蝦肉彈牙 - 韭菜餃清香爽口。
炸腐皮新鮮即查詢係零舍唔同！炸得金黃酥脆！上枱就咁食已經非常滿足。
百香果檸檬七喜成jar咁上，百香果濃到可以對多兩杯水～
總之，呢間尖沙咀打邊爐新分店，真係物超所值！一定會再回訪。