ND42 Bar & Lounge (已結業)

有晚喺尖沙咀想搵地方坐低飲嘢 ，上網search到呢間位於小巷嘅酒吧小店，平時好少行經呢邊，所以真係唔覺呢個位有間酒吧。餐廳只有五六張枱，座位唔多，平日8點嚟到都幾full，好在都有位。餐牌上選擇都唔少，除咗酒吧常見嘅小食，仲有主菜例如pizza、意粉、Fish & Chips、豬手等選擇。Salami pizza一上枱就聞到好香芝士味，呢度嘅pizza係homemade，餅底比起一般嘅更脆，邊邊位有部份烤至微燶，食落好香口。芝士份量多有拉絲效果，配埋salami好惹味飲啤酒又點少得Fish & chips，新鮮炸起嘅魚同薯條熱辣辣，非常脆。炸魚嘅粉漿厚薄適中，內裡魚肉嫰滑 除咗啤酒仲叫咗mocktail試下，分別係orange squash同strawberry punch，兩杯味道都唔錯，就算唔飲酒嘅朋友都有嘢啱飲。整體嚟講食物質素幾好，價格合理，餐廳細細間比較靜，適合想同朋友靜靜地傾下偈飲杯嘢。