星怡 (已結業)

今日行去尖沙咀國際廣場嗰度有好多餐廳，最後揀咗間專食星馬菜嘅餐廳食晚餐。馬來西亞雜錦藥材肉骨茶肉骨茶有分s同m ，我哋兩個人要咗分細嘅，一邊非常多材料包括有金沙排骨，豬腩片，豬肉片冬菇，豆卜同埋另外有份油炸鬼同埋蒜蓉，辣椒仔。肉骨茶入口味道濃郁，而且啲排骨都好淋，豆卜更加朔晒味Tim，非常推介。特級北海道帶子鮮蝦喇沙估唔到有兩粒北海道帶子真係超大粒，同埋有好有成五六隻蝦Tim 真係非常足料，湯底味道濃郁鮮甜，食落有少少微辣。馬拉盞炒通菜馬拉盞炒通菜炒得非常有鑊氣，鹹鹹香香十分惹味。新加坡沙嗲串一共有六串，我哋三隻味都要晒包括有豬，雞同埋牛，串燒點埋啲沙嗲汁非常香口。