秋田浜燒食堂 (已搬遷) 新店位置

環境幾舒服，又有日本特色既浜燒店仲有蟹蓋🦀，鮑魚🐚，蠔🐚，松葉蟹🦀，帆立貝🐚等等既二人餐($398一位)，價錢以浜燒黎講唔算貴！最鍾意都係佢地既甲羅燒，首先將松葉蟹膏🦀，蟹肉🦀，蟹籽🦀同埋生鵪鶉蛋🐣放係蟹殼上，食之前將全部撈勻，再放上爐上燒到少少凝結，就食得啦，係非常地道既浜燒手法。大量蟹膏味道極鮮😛，又香濃，最緊要蟹膏量夠多蟹腳好夠肉，啖啖肉，燒起上黎火光紅紅，唔食剩係睇都覺得正啊！扇貝肉好大舊，食起上黎啖啖肉，加上佢地秘製醬汁，好好味。值得一提，秋田浜燒食堂推出新優惠，只要LIKE佢地FB PAGE就可以玩一手赤蝦，即係一隻手拎到幾多隻，就免費食幾多食，foodki就拎左八隻蝦蝦蝦蝦蝦蝦蝦蝦🦐🦐。 除左燒之外，仲可以食刺身赤蝦，簡直抵到極點。