女朋友胃口細，我地叫左一份晴Hare Omakase Set. 同另外加左少少野食。
前菜:鮫鰈魚同酸汁水母，應該係我第一次食水母，感覺幾特別，好爽口。配上酸汁都幾開胃。
鮫鰈魚切到好薄，卷起後微微一咬就化開，肉質細嫩鮮美，不錯。
蟹籽蟹肉沙律，另外再加既，營養師話食肉之前最好食多啲菜，所以就叫呢個🤣蟹肉好好味
煙燻鯖魚，呢個處理手法好好，一入口已經有好濃既煙燻香，因為鯖魚有好香油脂，特別適合用煙燻。配上洋蔥，又會令到個口感有啲清新。
燒拖羅配山葵漬及紫蘇葉，燒左既拖羅簡直係油脂分布著整個口腔，山葵漬液體狀順着油脂，每一啖都感受到魚香同山葵香。搭配埋紫蘇葉中和返油膩感，正呀！
汁煮鰤魚鮫，用左日本醬油煮，好入味，肉質結實，每一絲魚肉都充滿左醬油味，甜而不膩，連舊豆腐都咁好食
差唔多到尾聲，有6件壽司
中拖羅，級數接近大拖羅，油脂好足
油甘魚，新鮮有魚味，最愛食了！
牡丹蝦，好有膠質，新鮮彈牙，正！
活北寄貝，不過不失
馬糞海膽，睇相都知正，無須評價！
銀鱈魚，燒過之後又香又甜
吞拿魚茸手卷，店員一嚟到就叫我哋要即刻食，想買啲紫菜係脆到不得了，本身個配搭都無得輸😍
之後再叫咗個鰻魚炒飯，可能有菇有洋蔥，所以有少少濕，但係味道唔錯，份量都夠每人兩碗多啲
飲埋個帶子蟹肉湯，清甜又鮮美🥰
甜品係蜜瓜+自家制蕨餅，呢個組合好好，蜜瓜好甜，蕨餅好煙韌得黎又香。
絕對要有下次，下次一人叫一個set先，呢個價錢食到呢個質素，太好了
