Gram Cafe & Pancakes

营业中

休息中

Gram Cafe and Pancakes 呢間小店係openrice有勁多好評，聽聞佢地所有食材都係日本送到，每一份甜品都係即叫即製，質素應該都有保證。今日同家人係The One 食完晚餐，原來諗住食埋個甜品先返屋企，可惜因為太飽，所以打算買外賣返屋企慢慢嘆。店員用盒幫我地將甜品裝好，真係包得好好，返到屋企都能保持完整，無倒塌，再送埋餐具，用黎打卡就最適合不過。雜果朱古力班戟：雜果有士多啤梨，奇異果，橙同藍莓，上面唧左朱古力醬同煉奶，再撒上糖粉，賣相唔錯。班戟有三塊，整得都算幾薄，口感比某著名美式快餐店食到嘅鬆軟，好有日式風味，蛋味香濃，即使配埋忌廉食都唔會有油膩感。意大利芝士蛋糕班戟：呢個簡直係tiramisu 同埋班戟嘅合體，共有三層，塗滿咖啡粉同朱古力粉嘅原味班戟，每層之間有厚厚嘅雲尼拿吉士醬，面頭再撒上朱古力碎，所以賣相似蛋榚多過班戟。軟綿綿嘅pancake配上吉士醬及朱古力碎，配埋朱古力粉同咖啡粉，軟中帶脆，甜中帶苦，強烈對比下帶出多重口感。