Gusto - Taste Italian

喺尖東嘅呢一間餐廳，地點旺中帶靜，喺正地鐵站出口。係同朋友食飯吹水好地方，朋友未到我就已經叫咗個餐慢慢食住飲，個餐$118包一杯Guiness黑啤同四件雞槌，真心抵。飲生啤最怕佢放得耐唔新鮮，因為個味會冇咁好，依間餐廳唔會，而且啲泡好滑。

我哋叫咗安格斯牛肉同埋Pizza，牛扒擺相好靚，有炭燒嘅痕跡，已經幫手切好一塊塊，熟度啱啱好係五成熟，旁邊仲擺咗啲唔同顏色嘅蔬菜，成件事睇落好豐富。味道當然唔錯，牛肉夠香夠滑，旁邊嘅紅酒汁調味啱啱好，唔會搶咗牛肉味。

Pizza就叫咗four cheese，餅底好脆芝士味好濃，食落可以拉絲出黎嘅。

呢度環境真係好舒服，可以再黎。