黑門水產すいさん (棉登徑)

之前朋友要交報告，搵左我幫手，呢日約左見面就話要請我食餐好既黎答謝我；)既然係朋友請客，咁就由朋友發辦，我就乖乖地等食xpppp朋友首先點左三款刺身：分別係甜蝦、活鮑魚同油甘魚！三款新鮮之餘兼各具特色~油甘魚肥嫩；活鮑魚爽甜最特別既係呢款甜蝦經過酒漬，所以食起上黎有啖啖酒香！！另外朋友仲點左兩款別具特色既招牌小食～不論係帆立貝紫菜包定脆脆包都好有層次感當中身材既配搭亦相當合夾！而呢度既濱燒原來都係招牌菜~所以朋友同時點上了甲羅燒、大漁貝燒同龍蝦湯煮海鮮：）三款都好出色，鮮味滿分！！！尤其係呢個龍蝦湯煮海鮮，本身既龍蝦湯已係鮮甜，再混合埋其他海鲜既精華。。。每一啖都係鮮甜到不得了！！！！最後仲要左一份鐵火卷作結；）呢日揀左呢杯名為 愛琴海既特別，味道好岩自己，酸酸甜甜又不失茶香，正！