雲南風味過橋小鍋米綫 (已結業)

去到深水埗見到尼間米線，應該二十年前食過，一於再試試因為已經唔記得係咩味道。因為係星期日、等位都等咗二十分鐘。叫咗黃鱔鷄肉小窩米線、豬膶腩肉小窩米線、一份炸豬扒，由於係等位期間已經落單，所以好快有食物上枱。黃鱔應該其他地方好少有，所以要試吓，佢係黃鱔夾住豬皮一齊，黃鱔都爽口。不過整體感覺係味道普普通通，可能習慣米線可以有辣度揀，而尼度冇，所以湯底偏酸，辣椒油又有啲益味，唔係好啱我口味，試過就算。