上海婆婆 (上水廣場)

有時拍拖出街食飯，多數都食日本菜、西餐
好少同男朋友食中菜，岩岩上星期男朋友接我收工話最近食得多西餐食得太膩，話不如食中菜

依間店開左幾年，成日經過都無食過，今次可以試下

奶湯滑津白 $65
津白份量都多，每棵都幾大
用上湯煮，好鮮甜
感覺好清新，一啲唔油膩

芥末香酥蝦球 $118
經過炒過既蝦球，外層煎到好香
芥末醬汁有少少刺鼻，愈食愈惹味
配飯一齊食一流

整體水準都唔錯，見隔離檯食個高力豆沙都好似好正
可惜肚子唔爭氣，食唔落，下次點黎食下先