少年时代由经常去食变成唔多去食。 今日入去都系抱住一个懷舊嘅心態，本身都冇乜期望。
一入去見到環境舒適，座位宽敞，唔会逼夹夹，洗手间亦整齊清潔。
員工都系一班中年人士，但系手脚爽快亦非常好礼貌。 尤其系两位經理，中氣同幹勁都系十足。
餐牌款式非常多，有啲花多眼亂嘅感觉
最後叫咗鐵板蒜蓉牛扒，配意粉加餐飲同餐湯。白湯味道正常，有好多粟米粒
牛扒唔會好似出邊咁俾鬆肉粉乸到腍晒同埋冇肉味。意粉同热華田正常水平。份量绝對足够一个大男人食
以咁嘅價錢（HKD 69+10%)食到咁嘅食物質素同埋環境&服務, 绝對冇投訴。
將来如果嚟開依邊，絕對可以再食。
亦希望佢哋俾心機越做越好
