更多
2019-01-23
335 浏览
今日行过美丽华商场,左逛右逛都买唔到嘢,反而俾我哋遇到一间怀旧小店,漫画书、小模型、旧书台椅、粉笔字……仿如返回细个读书𠮶阵,好多回忆都涌现咗出嚟。唔舍得走,索性喺度花少少钱,买少少嘢食,磨番够本,打下卡,睇番以前成日睇𠮶套 “龙珠”。去柜台买咗: 蕃茄牛腱面、小白龙猫包、台湾啤酒 -- 巨人德式小麦、鲔鱼蛋饼。呢度有十几种台湾啤酒可以选择,随意拣咗支 “巨人式小麦” 啤,清清哋几易入口。睇番个酒樽个label,原来产地系台中,下次去开台中,一定要去实地拜会一下。前菜有白萝卜和菜脯,细个时成日食 (那些年系无咩𩠌食),家下食番,百般滋味在心头。蕃茄牛腱面汤底系超浓蕃茄洋葱汤,无味精,好味之余亦好健康。牛腱炆得腍,不过只得两块嫌唔够喉。鲔鱼蛋饼蛋味好香,是即煎的,又热又软,包住啲吞拿鱼,食落味道不错。小白龙猫包造型cute,里面有啲椰蓉、梅、花生碎之类的馅料,甜甜地,又几好食㖞。都唔几得坐咗几耐,亦未睇晒啲 “龙珠”,要揾日再来再hea 过先得。
唔舍得走,索性喺度花少少钱,买少少嘢食,磨番够本,打下卡,睇番以前成日睇𠮶套 “龙珠”。
去柜台买咗: 蕃茄牛腱面、小白龙猫包、台湾啤酒 -- 巨人德式小麦、鲔鱼蛋饼。
呢度有十几种台湾啤酒可以选择,随意拣咗支 “巨人式小麦” 啤,清清哋几易入口。睇番个酒樽个label,原来产地系台中,下次去开台中,一定要去实地拜会一下。
前菜有白萝卜和菜脯,细个时成日食 (那些年系无咩𩠌食),家下食番,百般滋味在心头。
蕃茄牛腱面 汤底系超浓蕃茄洋葱汤,无味精,好味之余亦好健康。
牛腱炆得腍,不过只得两块嫌唔够喉。
鲔鱼蛋饼 蛋味好香,是即煎的,又热又软,包住啲吞拿鱼,食落味道不错。
小白龙猫包
造型cute,里面有啲椰蓉、梅、花生碎之类的馅料,甜甜地,又几好食㖞。
都唔几得坐咗几耐,亦未睇晒啲 “龙珠”,要揾日再来再hea 过先得。
张贴