7-12-2010
記得早前見過飲食雜誌介紹呢間台式食店有套腸及 loon bia (咩嚟: http://www.openrice.com/restaurant/commentdetail.htm?shopid=6879&commentid=1955314) 供應, 幾有興趣, 趁是日有時間專程 lunch 嚟睇睇. 想食的「蠔仔卷」及 loon bia 阿姐都話 2:00pm 後先有供應
, 結果只叫了一碗米線, 再加 $10 變套餐, 所以亦多了小食及飲品.
小食揀了沙爹肉燕餃: 似乎係從一兜湯內「畢」出肉燕餃, 再喺面頭淋少少「沙爹」汁 / 沙茶醬, 因為沙茶醬水汪汪的, 經「稀釋」過後味道亦淡了不少, 真係
燕皮較嚡身, 爽中帶實又好似有少少煙韌, 豬肉 + 魚肉 etc 造成? 餡料就有豬肉, 芹菜, 蔥 etc, 食落幾新鮮, 整體都 ok 的.
主食係千層腸米線 (單點 $21): 湯底似係豬骨湯? 飲落帶少少蒜蓉味及唐芹的清香, 無 MSG 痕跡, 算不錯; 米線算 Q, 亦唔會愈浸愈腍, 都不錯; 而「千層腸」(又名「套腸」) 就睇得出係心機之作, 每件都有少少香滑的白色肥膏, 食落煙煙韌韌, 感覺質地有點似「百頁」
不過其實整體係有少少苦澀的, 可以更好. 配料就有蜜糖豆, 冬菜, 蒜蓉, 蔥花, 唐芹 etc., 不過既然係大配角, 唔講太多了.
飲品揀了熱豆漿: 夠晒熱, 唔會稀, 豆味 ok, 幾滑, 唔太甜, 作為「非豆品專門店」收貨有餘吧?
埋單 $31, 食物 ok, 可以一試.
