組長日式放題 (已結業)

位於銅鑼灣鬧市區嘅組長日式放題，佢嘅舖位位置雖然唔算大，但係坐得都算舒服。壽司，刺身，沙律，熟食，甚至去到sabusabu 都會有。本身嘅種類都已經好多但係如果想食更加靚嘅刺身就建議再加38蚊食極尚。有帶子同牡丹蝦，夠晒回本。另外仲有出邊日式放題好少見嘅鵝肝多士都有，用想大大嚿驚鵝肝一啲都唔孤寒。入口油脂超爆，配上脆法包，滿足感十分。長腳蟹腳係好多人好鍾意嘅冷盤，呢度除咗日式嘅刺身之外都會有埋，非常之豐富。Sabusabu 我揀咗牛肉壽喜燒鍋湯底，係甜甜嘅湯，會有新鮮嘅蔬菜，豆腐，金菇，當然唔少得肥牛喇。燒牛肋肉都係我推薦嘅，佢燒到火候剛剛好，入面仲會有少少紅，保持晒原有嘅肉汁。仲有香蕉天婦羅，個人覺得香蕉呢一個比起用炸大蝦仲好食，有少少甜味，小小酸味，又有清新嘅感覺，食完肥膩嘢中和下幾好。今日係平日過嚟食但係已經非常之多人，所以如果要過嚟食個話記住要先訂位，如果唔係就要等好耐㗎啦。