日常小館

营业中

休息中

七點幾去到已經坐滿人，老闆好nice，叫我地留個名先去附近行下，返嚟就有位坐。雖然店仔細細，但座位舒服。餐前有南瓜濃湯和餐包，南瓜濃湯金黃香濃，因為太肚餓一上菜就起匙，冇影到相🙈北海道帶子蟹肉蝦汁拌意大利飯帶子煎得都唔錯，唔會韌。每一口意大利飯都有濃濃的蝦汁和雪白的蟹肉纖維，又有濃厚的芝士味鋪墊，味道豐富又有層次感，適合喜愛濃味的朋友。特別鍾意佢用木製拖板放牛扒，切嘅時候唔會有切到瓷碟刺耳的聲音。男朋友叫左七成熟，不過佢話熟咗少少，但味道唔錯。蜂蜜香梨 & 柚子蜜蜂蜜香梨非常解膩，特別適合夏天飲。