御瀧軒

唔係朋友帶路都唔知原來銅鑼灣南華會下面有一間酒樓～而且午市好熱鬧，全場座無虛席，真係估佢唔到！

叫咗御瀧荀鮮蝦餃王+菜鯪魚球，新鮮即蒸，熱辣辣大大粒！蝦餃皮薄有韌性，而且蝦肉彈牙.鯪魚球新鮮又冇魚腥味！

加上叫了幾款小菜，都比預期中有水準！惹味蝦球蟹籽粉絲煲，煮得濕潤度剛好，蝦球彈牙而且調味很好，確實很惹味！

美極蔥香煎牛仔，香口而牛仔肉軟腍，配搭蔬菜菇菌份量足！

淮杞珍珠浸菜苗上枱賣相好吸引！珍珠係薏米，粒粒飽滿圓潤脹卜卜真係好似珍珠一樣，加上百合杞子等湯汁清甜配搭白菜仔很不錯！