香港嘆得起冰室 (已結業)

呢日放工去探个朋友，佢住长沙湾，所以就顺便喺附近买嘢食。之前我个午餐饭脚话𠮶头有间唔错嘅茶记叫「香港叹得起冰室」，我哋就一于去炒两个小菜做晚饭啦🥢。茶餐厅嚟讲，佢环境可算系一流，冷气充足，装修又靓，主色仲要系港女至爱嘅Tiffany Blue湖蓝色💙。另外，餐厅更不乏潮语：俾啲挣扎💪🤣。我哋叫咗两个小菜，其实特价餐平啲，不过唔够小菜吸引嘛🙈。再者，店员都话小菜嘅𩠌量会多啲，果然无呃我！金沙虾球($78)，呢个🍤虾球真系好食到不得了。首先，虾球大只新鲜，口感弹牙无比，而且仲有成十只添，就算外卖都绝不欺场！堂食外皮应该更脆。第二就系金沙咸蛋黄味超正，食落好似西瓜咁沙沙地，味道拿捏得好好，够咸、又够甜，一个字：正😋。就连垫底嘅炸粉丝都索哂味！蜜椒一口牛($78)，呢个又系好味道，酱汁应该系黑椒汁沟蜜糖，所以好惹味，拌饭一流🤤。牛粒🐮系主角，唔算太细粒，所以食落有咬口，而且牛味都OK。但今次主角比配角抢咗风头，因为作为伴菜嘅🥔煎薯粒更为出色，啱哂薯仔腔嘅我。转餐(白饭+例汤)($12)，白饭就细份咗啲喇🍚，有机会一定要嗌多饭。饭就煮得正正常常，唔会过淋或过硬。例汤系青红萝卜煲猪骨汤，无咩特别。