影片
更多
2018-02-05
4149 浏览
Espuma幾個人去咗蘭桂坊行街食飯，之後想搵個地方坐下傾下計，朋友就介紹咗這間Espuma店食甜品，佢之前係另一間分店食過，話幾好味，咁啱中環蘭桂坊附近都有分店，我哋就跟住地址去此店食下。Cotton Candy Fondue，店門口有介紹，可惜係tea set，晚上沒有，點知坐底後，店長介紹咗另一個Cotton Candy Fondue，晚上才有，份量小過tea set，仲平啲添，啱曬我哋食完飯飽飽，但又想傾計嘅人仕，唔使食咁多之餘，仲可以慳返啲。價格，$138，For Two，到枱時都幾震撼，成個地球儀係半空咁，好靚，當然，我知道應該係舊雲才對啦。舊雲是用舊式棉花糖機制造出來，以前細過，街邊時時都有得買這棉花糖，不過冇咁靚，又冇咁圓。今次啲棉花糖沒有舊款咁甜，幾好味，仲可以一絲一絲咁用手搣來食，我哋幾個真係好似變返小朋友咁，幾個人一齊搣來食，哈哈。除咗棉花糖外，仲有兩個小Macaron（馬卡龍）我本身不太喜歡馬卡龍，因為太甜，頂唔順，不過呢兩個馬卡龍雖然都帶甜，不過也能去到本人夠接受到的程度。馬卡龍本身幾脆幾軟熟，中間夾住小小甜品醬，又有一支小白棍比你揸住食，好似萬樂珠咁，此店造
幾個人去咗蘭桂坊行街食飯，之後想搵個地方坐下傾下計，朋友就介紹咗這間Espuma店食甜品，佢之前係另一間分店食過，話幾好味，咁啱中環蘭桂坊附近都有分店，我哋就跟住地址去此店食下。
Cotton Candy Fondue，店門口有介紹，可惜係tea set，晚上沒有，點知坐底後，店長介紹咗另一個Cotton Candy Fondue，晚上才有，份量小過tea set，仲平啲添，啱曬我哋食完飯飽飽，但又想傾計嘅人仕，唔使食咁多之餘，仲可以慳返啲。
價格，$138，For Two，到枱時都幾震撼，成個地球儀係半空咁，好靚，當然，我知道應該係舊雲才對啦。舊雲是用舊式棉花糖機制造出來，以前細過，街邊時時都有得買這棉花糖，不過冇咁靚，又冇咁圓。今次啲棉花糖沒有舊款咁甜，幾好味，仲可以一絲一絲咁用手搣來食，我哋幾個真係好似變返小朋友咁，幾個人一齊搣來食，哈哈。
除咗棉花糖外，仲有兩個小Macaron（馬卡龍）我本身不太喜歡馬卡龍，因為太甜，頂唔順，不過呢兩個馬卡龍雖然都帶甜，不過也能去到本人夠接受到的程度。馬卡龍本身幾脆幾軟熟，中間夾住小小甜品醬，又有一支小白棍比你揸住食，好似萬樂珠咁，此店造得幾細心。
中間有個小火鍋，可揀伯爵茶或者紫米露甜品醬，我哋揀咗伯爵茶，原來個樣幾似朱古力，不過顏色沒有咁深。味道跟朱古力相近，幾甜，用來點旁邊的小點幾合適。旁邊小點有：泡芙有4粒，幾脆，幾柔軟，窩夫2塊，幾鬆脆，點甜品醬食幾配合，幾粒粉圓，Q彈，有咬口，味淡淡，雜果幾塊，多水，鮮甜，幾好食。
推介指數：8/10
蜜瓜雪梨菊花茶，$42，水果茶系列其中一款，蜜瓜粒鮮甜，加上有菊花味，啲茶本身清甜之餘帶有水果味，飲完啲茶仲可以叉蜜瓜來食，茶壺下面仲有小燈火保持溫度，幾好幾特別。
推介指數：7/10
最後，我哋4人只係食咗個2人餐，叫咗兩壺水果茶，一齊飲，一齊食，又坐咗成兩粒鐘，個waitress仲好好咁招呼我哋，介紹這餐廳的各種特色甜品，加上waiter也不嫌麻煩地幫我哋4人合照，又自動地給我share食嘅餐具，其實，叫得咁少食物真係有點不好意思。不過，這些高級餐廳，一點都不介意，也沒有黑面，真係有training是非常重要，必須要讚啊👍🏼👍🏼👍🏼。
Cotton Candy Fondue
$138
47 浏览
0 赞好
0 留言
Cotton Candy Fondue
$138
44 浏览
0 赞好
0 留言
蜜瓜雪梨菊花茶
$42
34 浏览
0 赞好
0 留言
蜜瓜雪梨菊花茶
39 浏览
0 赞好
0 留言
张贴
