Terrace in seaside (海運大廈)

营业中

休息中

又係lunch 在海港城，又試吓新嘢，呢間小清新韓系cafe , 初時以為係食簡單西式野，但原來都係多元化韓餐，即有點似港式茶餐廳，各樣都有啲，有水果三文治、有韓式炸雞、有辣炒年糕、有韓式豬手、韓式飯卷、也有意粉、蛋包飯、連部隊火鍋也有，真係估你唔到～ 可能因為熱潮已經過去，所以lunch 時間唔多人，等咗一陣就有位，我地點咗：🔸烤牛肉蛋包飯蛋包飯係果種可以到枱面切開再番轉果種，好適合打卡，個蛋都好滑，但烤牛肉就醬汁偏咸。🔸韓國蜆肉飯韓國蜆肉飯黎到好似薄撐咁樣，原來㡳將啲飯拌上韓式辣醬，再攤平，以辣醬及蔥炒過的蜆肉再放在上面，蜆肉頗大粒，但可惜沒有甚麼鮮味，連調味也較淡。反而則邊煎得香香的鮮蝦條很好吃，撈了辣醬的也很惹味。🔸濟州柑桔乳酸梳打間店的signature 打卡飲品，其車柑桔即係我地香港人講既橙，同我地一般認知既柑唔水同，將橙汁加埋乳酸梳打一起，幾fresh 🔸熱情金菠蘿沙冰同事飲這杯，也是打卡的飲品，酸酸甜甜幾開胃。整體黎講一間餐廳有晒香港人一般會點既韓國菜也算不錯，但環境就比較窄，而且價錢偏貴。