小李令我諗起起小李飛刀😂除咗飛刀之外，深水埗有間小李車仔麵都好好食，細細個讀書嘅年代我就好鍾意食車仔麵，呢間就令我諗起想當年🧐下午茶2:30至5:30落單，送熱飲或者汽水，麵底都可以揀粗麵、幼麵、油麵等…
四餸麵揀咗米線，我都係好鍾意食米線，湯底揀咗秘製滷水汁，有啲色水冇咁寡，都好濃味！可能係深海巨型蟹柳，平時食開嘅蟹柳都係正常size，呢個超大好有蟹柳味；豬大腸差唔多每次食車仔麵都會叫，整得好淋好入味；自家製雲吞係鮮蝦雲吞，整到大大粒好足料；自家秘製豬手，呢個超好食，味道我覺得有少少似南乳豬手，好夠味，而且又充滿骨膠原！
可樂：天氣咁熱，解暑一流
3
