35座車仔麵 (已結業)

而家車仔麵周街都有，但真係有小時候既味道，感覺真係少之又少，但35座真係令我有番哂回憶😍嗌左大碗麵同炸雞翼，可以揀5定6個餸加一款麵底，岩哂我呢d乜都想試但又怕太多既人，夠50蚊仲送杯豆漿，真係抵到怕佢蝕😂😂😂少可既車仔麵餸有牛肚，仲要五香而入味既！豬手都係，食得出有比心機炆過！豬皮夜晚食都唔冧，正！魷魚雖然寫辣但落左湯就只係香，唔太食得辣既人都可以叫😆雞翼都係即炸，夠熱夠脆！唯獨可能少少可惜因為真係48蚊，台灣腸得一條，不過都明既！豆漿就唔太甜，不過重豆味，完全係小時候健康屋企人比飲個隻🙈😊