車氏粵菜軒 (已結業)

在商業大廈內的車氏粵菜軒,樓面不大所以每張枱之間基本上係冇距離,非常擠擁。叫咗數款大路點心, 蝦餃、 帶子水晶球、鮑魚棉花雞, 竹笙上素餃、蝦腸、鮑魚灌湯餃。 點心上菜速度頗快, 餃子皮薄，蝦腸的蝦亦新鮮。但鮑魚灌湯餃除了有隻鮑魚仔之外，基本上沒有其他料，不太值。而食上素餃時, 竟然咬到一些白色硬物， 投訴後女侍應馬上取走及取消上素餃。 之後男侍應捧住幾碟魚腐周圍sell, 我哋冇問價錢就要咗碟, 魚腐有4大粒, 中間有隻蝦仔，豆腐味多過魚味,味道都可以。但埋單時發現碟魚腐收$78, 明明另外有張點心紙寫魚腐係$58, 經理話兩者係唔同, 我哋食個碟多隻蝦, 相差$20 只是小數當買個小教訓, 唯有下次去食飯小心啲唔好叫啲不知價錢的食物。當然亦唔打算再來車氏了。