正點心 (已結業)

饮茶食点心唔一定要去大酒楼嘅，去啲小店都可以！美孚呢间正点心都几正㗎！餐牌上面好多靓靓点心，我哋拣咗盘满钵满（即系点心拼盘）、黄金小猪唛、千岛酱脆皮萝卜糕、炖汤、温泉蛋牛肉饭同埋西瓜糕。黄金小猪唛系酥炸糯米紫薯角，口感QQ，味道甜甜地，外型可爱，小朋友几钟意食！点心拼盘好丰富，最正系鲍鱼烧卖😍😍，胭脂虾饺都好靓，好睇又好食！千岛酱脆皮萝卜糕好特别，新颖嘅配搭估唔到都几好食👍🏻炖汤都几足料，而且唔会好咸，好似屋企老火汤嘅嘅味道😋最后食埋个饭同甜品就饱晒啦～ 下次再试吓其他点心！