碗碗香 (已結業)

寻晚瞓唔著。上openrice 揾下今日食咩好。揾到呢间碗碗香。食贵州牛肉面。哈。啱晒我。嚟到舖位细细。冇乜嘢期望。即管入去试一试啦。一心谂住食牛肉面。但系见到餐牌上有面亦有粉。一于问吓老细乜嘢好食。 老细谂都唔使谂。就得如果食牛肉就食粉啦粉真系好食。估唔到。因为原本真系谂住食面老细红烧好定红油好。佢话食到辣就食红油啦。信晒老细啦所以就叫左红油牛肉粉少辣。来到。都几出乎意料。个碗咁鬼大。味道唔错。佢个份形状似乌冬。但有后会比较烟un。几特别㖞。不过个红油小辣，都仲系好辣。所以边食边饮杯柠茶。佢有个唔知叫咩苦丁茶。听闻都OK嘅。会解辣。不过听到个苦字我都唔系好敢试。粉份量正常，牛肉都算几多。个牛肉几好食㖞都几林。总括嚟讲呢间小店都算系唔错。都可以一试嘅。同老细倾开计。佢话你试吓喺铜锣湾揾一碗面有我哋咁平嘅嚟睇吓啦。我话系呀价钱都合理不过唔好加价㖞。佢即刻话下个月就会加价啦。即系九月。起初我入嚟嘅时候剩系得一个客人。我仲以为佢生意会好了唔好。点知转头就有几枱人入咗嚟啦。后面有四个师奶入咗嚟。老细都好老实佢话你哋不如叫两碗面啦。留返个肚试吓我哋最有名嘅口水鸡同埋猪耳啦。唔知系咪真系好食呢。交